FACEBOOK-A MP3 PLAY NGHAL THEIH DAHLUH DAN

Kum liam ta atang mai khan Zofate zingah FACEBOOK hian hmun pawimawh tak rawn luah chhovin, kan hmang nasa em em a. Tun dinhmunah hi chuan a thatlohna lam ai mahin a thatna lam sawi tur a tam awm e. Tangkai takin i hmang zel teh ang u.

Ka thianpa Rothuama Sailo in Aizawl atangin min rawn phone a, “Facebook a MP3 upload dan i thiam mial lo maw ?” tiin. Ka lo ngaihtuah lam a ni loh avangin ka bangbo khawp mai a. Facebook hian Video leh Thlalak vawmbeina tur remchang min siam sak laiin hla ngaihthlakna tur lam min chhawp sak lemlo alo ni a. Ka theih ang angin ka zawngkhawma, 2/3 vel enchhinna atan ka post chhin bawk a. Ka post lo hmutu thian thenkhatten min rawn zawt zui veleh zel bawk a. Facebooka ziah atan chuan a thui tham bakah a lem enge maw zat dahluh ka duh bawk si avangin  ka blog update na remchang ni maiah ka ngai a, ka han buatsaih chuk chuk a. Ka zawn khawm zinga  tha deuh ber ni a ka hriat ka han share dawn che u a ni.

Kan sawi turah hian MP3 mai ni lovin, thlalakte, video leh thuziakte pawh awlsam takin facebook-a kan wall ah leh thiante wall mai bakah Group ah pawh kan bel zung zung thei dawn a ni.

Facebook i hawna, click zeuha mp3 ngaihthlak theihna chu:

1. A hmasa berin HEI HI hawng la, SIGNUP phawt ang che.(SignUp kherloh pawhin iti thei tho a, mahse nangma tan a ni e; a har chuang silo.)

2. Tichuan i Facebook hawng la (Log In) HETAH  hian kal la. A hnuaia tarlan ang hian i Facebook ah Divshare Application hi i add dawn nia. "Go to App" hi click ang che.

3. Request Permission a lo lang anga, Allow hi i click anga.

 4. I tih zawh hunah i Facebook Home ah khan kal la, a hnuaia mi ang hi APPS ah khan alo lang tawh ang,     Click teh le.

5. A hnuaia mi ang  hi a lo inhawng anga, Upload tih atang khian i File duh, i Computer chhung ami kha i duh duh i Upload tawh mai dawn a ni.

6. I file i Upload zawh ah  a hnuaia tarlan ang hian i Facebook i tag in i share thei tawh a, i wall ah i post thei tawh bawk dawn a ni.

6. Tichuan Facebook atangin CLICK zeuhin hla i ngaithla tawh ang.....

U P D A T E

A chunga mi aimaha awlsam leh nuam ni a ka ngaih hetah hian ka han ziak nawn leh a nge. Awlsam kan tih zawk takin......

1. HEI HI click la, account ila neilo a nih chuan sign up/create ang che.

2. Folders pahnih Photos leh Public awmah hian Public chhungah hian i music files te chu i upload dawn nia. 

3.  Copy Public link  click la,

4. Hei hi a lo lang anga, i right click  anga, i copy ang.

5. I facebook ah kal la,  I wall ah emaw, thiante wall ah emaw, group ah pawh i paste hmiah hmiah tawh mai dawn a ni.

I ngaithla thei tawh e.........

Taka, Dropbox Desktop Client hi download la, install  rawh. I desktop atangin i khawih thei vek dawn a ni. Hei hi chu i duh leh duhloha thu a ni e.